Welcome to Arts Online

Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Back to the 'Jump link' navigation, at the top of the page

TKKM o Te Atihaunui-A-Paparangi

Region: Taranaki / Whanganui / Manawatu

Art form: Music

Project name: Puoro o te Ao Hurihuri

Project information: Ko ngā toi te kaikawe i ō tātou whakaaro, tirohanga, hiahia, tūmanako, kia kitea ai e te ao. Ka whakaatatia tā tātou titiro ki te ao onamata, ki te ao tū, ki te ao anamata, mā roto i ngā puoro, i ngā toi ataata me ngā mahi a te rēhia. Mā ngā toi e whakaihiihi te wairua, e whakapakari te hinengaro kia mauri tau te tangata. Nā te hiringa o te ringa rehe puoro, ka whāngaihia te auahatanga ki roto ki tēnā, ki tēnā o ngā ākonga. Mā te puoro e taea ai ngā ākonga te tūhura, te whakamahi, te whakaputa mōhiotanga me te whai maiohao ki ngā kā tū taonga puoro o te ao hurihuri. Ko te tikanga o te Whare Tapawhā te tuāpapa e kawe ana i tō mātou whakaaro, akoranga i roto i te kura. Heoi anō ka pērā hoki mō te kaupapa nei, Puoro o te Ao Hurihuri. E whā ngā tirohanga, arā, te Taha Wairua, te Taha Tinana, te Taha Hinengaro me te Taha Whānau. Taha Wairua - Maioha: Kia mahitahi, kia toa takitini, kia eke panuku ā tātou tamariki e rongo ai te ihi, te wehi, te wana i roto i a rātou mahi puoro. Kia toru wā te whakaatu i ngā whānuitanga o te puoro, te whakatangitangi puoro takitahi, takitini rānei me tōna māramatanga puoro ki te rōpū iti, ki te whānau o te kura rānei. Taha Tinana - Tuhura: Kia rāwekeweke ngā taonga puoro, kia whai wheako ki ngā ringa rehe puoro o te takiwā, kia tuhura i ngā hopunga puoro hoki. Kia tonoa e rua ngā ringa rehe puoro o te takiwā ki te haere mai ki te kura, ā, kia rua ngā wā kia tuhura i ngā taupuni i te hapori. Taha Hinengaro - Mōhiotanga: Kia whānui tōna tirohanga ki ngā kā tū waiata i te ao Māori ki te ao hurihuri. Kia wānangahia ngā kupu, ngā taki, ngā ungeri. Kia kotahi ngā titonga waiata Māori a ia rōpū hei koha ki te whānau katoa o te kura. Taha Whānau - Mahi: kia aro nuitia ki te puoro e rata ana te ākonga, kia whakaarotia anōtia ki tana tumanakotanga i roto i te puoro. Kia kotahi te konohete hei whakakapi, whakaatu ngā ākonga i te kaupapa 'Puoro ki te Ao Hurihuri!'

Project starting: February 2021

Back to Successful Schools - Round 2

Back to the 'Jump link' navigation, at the top of the page

Footer: